تنوية : من البوستات القديمة العزيزة علي قلبي وقد تم نشرها في البلوج القيم بتاعي ( زبادي في الخلاط )
****************************
لما الواحد يتعب بيقولوا (دة بعافية شوية) .. وأنا من كام يوم كان قلبي بعافية شويتين بجد .. ورغم إني كتير شفت وسمعت حاجات وجعت قلبي ... لكن المرة دي كان الوجع من جوة
****************************
وجع في قلبك
لما الواحد يتعب بيقولوا (دة بعافية شوية) .. وأنا من كام يوم كان قلبي بعافية شويتين بجد .. ورغم إني كتير شفت وسمعت حاجات وجعت قلبي ... لكن المرة دي كان الوجع من جوة
باينها بجد المرة دي .. قلتها لنفسي في الليل لما لقيت الحتة القاسية في قلبي بتوجعني ، شيلت قلبي وجريت بيه علي المستشفي ، وهناك لقيت ناس كتير موجوعة اللي رجله واللي إيده واللي راسه .. لكن ساعتها كنت أنا الوحيد اللي كنت شايل جوة ايده .. قلب موجوع.
زحمة ودوشة وشيل وحط .. وسمعت من بعيد (إن عاش) ساعتها حطيت قلبي جوه صدري من تاني وكنت عايز أجري بيه علي قد ما أقدر كنت ح أبعد .. يمكن بالكتير خطوة أو خطوتين ، شعور غريب جالي ، ومشاعر كتير راحت !
مافضلش قدامي غير صورة العيال .. الولد والبنت ..
ماهي أصلها بنت واحدة ، والولد واحد ..
وعارف قبلها إن رب العباد واحد ..
وهو وحده إاللي يتوللي من بعدي أمر الولد والبنت ..
سلمت أمري لصاحب الأمر والمعروف .. رب العباد وحده أدري بكم الخوف .. اللي ماليني ..
واحد من بعيد قال فين قلب المريض .. هاتوه ، وخدوا قلبي مني قال عشان يرسموه ، سكتت .. هزيت دماغي وسكتت ..
فضوا جيوبي وشالو نضارتي .. سكتت ... خلعوا هدومي ... سكتت ...
لكن لما قالوا لازم تفضي قلبك من كل أحبابه وكل اللي ساكن فيه .. صرخت وقلت لا ..
دول حتة من قلبي ولازم ترسموه بيهم ..
لأن من غيرهم .. قلبي مش ح يبقي قلب
قالوا مش ممكن .. وحاجات كتير قالوها .. مش فاكر ، كل اللي فاكره إني مش عارف ح أودي فين كل أحبابي .. وناس من زمان ساكنه جوة القلب وارتاحت .. لا عارف فين أوديهم ولا عارف أقولهم أية ؟ مين يعرف حد ممكن ياخدهم لحد مارجع ، يوم أو إتنين .. الله أعلم ويردهم لي لما قلبي يطيب .. بس أمانه يخلي باله منهم ...
لأنه حيلاقي فيهم اللي رباني وغطاني ، واللي شالتني وفطمتني وعشان ما أخافش وانا طالع تنور لمبة السلم ..
وحيلاقي اللي درس لي وعلمني شكل الألف منصوب .. وخلاني أعرف أشوف اسمي لما يكون مكتوب ..
وح يلاقي بنت حبتني وأنا صغير من ورا الشباك .. وحيلاقي مليون أمانة محطوطه في قلب نفسه صاحبه يعود..
ولوعشان الوجع ح يفضوه من أحبابه ..
خلوا الوجع موجود ..
ويا تري يا أمي .. لما كنتي بتقولي زمان .. إمشي وجع في قلبك ... كانت فعلاً من قلبك
11 comments:
سلامتك من كل و جع و أى وجع سواء زمان أو الان
وما تخافش علي الواد والبنت لهم رب اسمه الكريم
تحياتى
حزينة لخلو مدونة بهذا الجمال من الاهتمام و المتابعة
شكرا يا احلي بستوكة في الدنيا .. شكرا لمرورك وكلامك اللطيف
اكيد لأ
لأن المثل بيقول
أدعى على ولدى وأكره
اللى يقول آمين وعمر مافى
أم بـــتدعى بحق وحقيق على ولدهااللى هو حتة منها طب ازاى؟!
عجبنى الكلام أوى
لكن الحتة دى أكتر
(فضوا جيوبي وشالو نضارتي .. سكتت ... خلعوا هدومي ... سكتت ...
لكن لما قالوا لازم تفضي قلبك من كل أحبابه وكل اللي ساكن فيه .. صرخت وقلت لا ..
دول حتة من قلبي ولازم ترسموه بيهم ..
لأن من غيرهم .. قلبي مش ح يبقي قلب)
صح ممكن نفضى جيوبنا وحتى قلوبنا من كل شىء الأ احبابنا طب نوديهم فين؟!
مفيش مكان يساعهم الأ قلبنا!
بجد تدوينة جميلة
ومدونة جميلة كمان
بعدك علي بالي
نورتيني وشكرا لكلامك الرقيق
نور
اسعدني مرورك الأول واسعدني تعليقك الحساس علي هذه الفقرة بالذات لأنها هي بيت القصيد الذي كان هو الهدف من التدوينة وهذا مأحسسته قبيل إجراء عملية القلب الأولي لي
عموما كل الشكر والتحايا لشخصك الكريم
بلاك بيري
البلاك بيري
يوتيوب
يوتوب
اخبار مصر
اخبار الرياضة
العاب بنات
اسعار الذهب
الذهب
فودافون
فودا فون
Internet Marketing Strategies
يانهار ابيييض
فين المواضيع الجديدة الجميلة
وخشتنا الزبادي اللي في الخلاط
السلام عليكم
قمت مع مجموعة من الأصدقاء بإنشاء عدد من المدونات ، ووضعنا بها إعلانات جوجل أدسنس، وبالفعل نحقق دخلا مش بطال
فعلى جميع الأخوة الكرام سواء عنده مدونة أو لم ينشئ مدونة بعد، وكانت له رغبة في الاشتراك معنا في هذا العمل، برجاء مراسلتي على الإيميل niletrader@gmail.com
والله الموضوع مثمر، وبالفعل وصلتنا دولارات من أدسنس ، فالموضوع ليس وهمًا
برجاء نشر هذا الموضوع لتعم الفائدة
مع تحياتي
Hello
We are a group of Egyptian guys who established some blogs where we added Google Adsense codes so we make some money on monthly basis, as a way of coming over our financial problems!!
if you would like to help us through allowing us adding the Adsense code to your blog and share the profits with you, pls contact us niletrader@gmail.com
Yours
Ash
Post a Comment