عبارة كنت باسمعها كتير قوي من وأنا صغير تقريباً مع كل موقف أكون طرف فيه ألاقي واحد أو واحدة من قرايبي يهز دماغة ويقول "بكرة يعقل لما يكبر" وشوية شوية ومع السنين اختفت الجملة دي مش لأني عقلت والحمد لله لا ولكن لأن الوسط المحيط إتغير وإللي جنبي مبقاش من أسرتي أو قريبي أو حد مني .. وبقي كل واحد يشتري دماغة ومايهموش إني سيادتي يعقل أو يتجن زيادة أو يولع بجاز حتي
وشوية شوية لقيت نفسي أنا اللي باقولها لنفسي في مواقف كتير من مراحل العمر لكن الغريب إني حتي بعد الأربعين .. لسة مستني يمكن أعقل لما أكبر
وشوية شوية لقيت نفسي أنا اللي باقولها لنفسي في مواقف كتير من مراحل العمر لكن الغريب إني حتي بعد الأربعين .. لسة مستني يمكن أعقل لما أكبر
9 comments:
ياريت محدش يعقل علشان اذا احنا كدا و مش عاقلين مفروسين حنطق امال لو عقلنا و شفا الواقع بجدبجد حيصلنا ايه؟؟؟
خلينا كدنا ان شاالله عن حد ما عقل
اللي حابب أقوله إن ساعات الواحد بتطلع منه ردرد أفعال ممكن تكون متهورة أحيانا أو مجنونة في ولا تتناسب مع مرحلة العمر ولكنها بتطلع أحياناً في مواقف ما ولما الواحد يراجع نفسة يعرف المفروض كان أية وما كانش أية .. وبينه وبين نفسة يقول أنا مش ح أمل كدة تاني .. ويلاقي نفسه بيرجع برضة يعملها تاني
تحياتي
أنا مع أم العيال خدنا ايه من العقل ولا حاجه اتجننا أكتر
يبقي نخلينا كده أحسن نعيش حياتنا بمزاجنا ونعمل اللي احنا نفسنا نعمله مهما كان جنانه ولو لبعض الوقت
منتا فاهم اننا كلنا مجانين ياصاحبي في البلد دي وهنفضل كده ياما ننتحر ياما نوت ياريت تبعتالي برايك علي مدونتي سلالالام بقه
:)
ربمــا الحنين لأيــام الطفولــة...ّ
بس بيني وبينك..
ما في أحلى من الجنون
:)
اعتقد اننا نزداد جنونا كلما تقدم بنا العمر
لاننا نزداد يقينا انه
(((لا شئ يهم)))
تحياتي
امتى أي حد فينا هايكبر في الزمن ده
ربنا معانا كلنا على اللي بنشوفه كل يوم
عرض رايق وساخر
دمت بخير
يا أخ زبادي
انا عايزة ااقولك حاجة يمكن تقول عليا بعدها اني مجنونة
" بس ساعات بيكون الجنون هو قمة العقل وقمة الذكاء"
يعني لو انا تصرفت تصرف وانا كدا كدا في نظر الناس مجنونة ولا يُؤخذ بعين الاعتبار اي تصرف يصدر مني
وقتها ااقدر اعمل اي شيء مجنون وبراحتي بئه محدش شريكي ومحدش هيقدر يلومني لاني ببساطة مجنونة في نظرهم
-*-*-*-
صدقني اوقات كتير لو نظرنا جوانا هنلاقي ان نظرة الناس مش مهمه على اد ما نطرتنا لأنفسنا بتكون ايه
مش مهم الناس شيفاني مين .. المهم انا شايف نفسي مين
مجنون ولا عاقل
تحياتي يا استاذ زبادي
بالمناسبه خلي بالك اسم زبادي ده فيه الطمع
كل واحد هيدخل يرد على البوست بتاعك هيمنى نفسه بأكله شهيه
وانا نصحتك لله
ايديك بئه يا استاذ على الزبادي بتاعي
تكبر بس ايه يامحمد ياخوياهي الرجالة بتكبر بردة
الرجل طوال عمره يظل طفل صغير ياعزيزي
Post a Comment